سابق نگران وزیر اعلٰی محمد اعظم خان دوں دن قبل پشاور کے ایک نجی اسپتال میں انتقال کر گئے تھے- نگران وزیر اعظم نے انکے بیٹے سکندر اعظم خان سے تعزیت کی اور محمد اعظم خان کی مغفرت اور روح کی ایصال ثواب کیلئے فاتحہ خوانی اور دعا کی- اس موقع پر نگران وزیر اعظم نے سابق نگران وزیر اعلٰی کی خدمات کو خراج تحسین پیش کرتے ہوئے کہا کہ محمد اعظم خان نے اپنی ساری زندگی ملک و قوم کی خدمت کے لیے وقف کی تھی-
دوسری جانب نگران وزیر اعظم انوار الحق کاکڑ کی آمد پر سیکیورٹی کے سخت انتظامات کئے گئے تھے- شہر کے تمام چوراہوں اور راستوں پر پولیس کی بھاری نفری تعینات کردی گئی تھی- ضلعی انتظامیہ نے ایک پوسٹ گریجویٹ کالج سمیت دو بوائز ڈگری کالجز، دو گرلز ڈگری کالجز اور 13 پرائمری سکولوں کو بند کر دیا گیا تھا-
