کویت نے ٹریفک نظام میں وسیع تبدیلیوں کا اعلان کر دیا ہے، جن میں ٹریفک خلاف ورزیوں پر سخت جرمانے اور غیرملکیوں کے لیے گاڑیوں کی ملکیت پر نئی پابندیاں شامل ہیں۔ کویتی وزارت داخلہ کے مطابق، نئے ٹریفک قانون کے تحت غیرملکیوں کو اب صرف ایک گاڑی رکھنے کی اجازت ہو گی۔ اسسٹنٹ انڈر سیکریٹری برائے ٹریفک امور، میجر جنرل یوسف الخدہ نے کہا کہ یہ اقدام کویت میں ٹریفک کا دباؤ کم کرنے اور روڈ سیفٹی میں بہتری کے لیے اٹھایا گیا ہے۔ واضح رہے کہ کویت میں اس وقت تقریباً 25 لاکھ گاڑیاں رجسٹرڈ ہیں۔
