وزیرِاعظم شہباز شریف کی زیرِ صدارت وفاقی کابینہ کا اجلاس منعقد ہوا جس میں اہم فیصلے کیے گئے۔ اجلاس کے دوران یہ فیصلہ کیا گیا کہ پاکستانی شہریت حاصل کرنے کے لیے ملک میں کم از کم 5 سال قیام لازمی ہوگا۔
وفاقی کابینہ کے ذرائع کے مطابق، اس قیام کی شرط صرف عام افراد پر لاگو ہوگی۔ مہاجرین اور سفارت کاروں کے لیے پاکستان میں رہائش کی مدت شہریت کے لیے اہل تصور نہیں کی جائے گی۔
مزید معلومات کے مطابق، یہ فیصلہ شہریت کے حصول کے قوانین میں مزید شفافیت اور سختی لانے کے لیے کیا گیا ہے۔
