پاکستان پیپلز پارٹی کے چیئرمین بلاول بھٹو زرداری نے اٹک جیل میں قید سابق وزیراعظم عمران خان پر تنقید کرتے ہوئے کہا کہ ’آپ کی ٹریننگ چل رہی ہے اور اب آپ کو سیاستدان بنایا جا رہا ہے۔‘
جمعے کو کراچی میں میڈیا سے گفتگو کرتے ہوئے بلاول بھٹو زرداری نے عمران خان کی جانب اشارہ کرتے ہوئے کہا کہ ’آج کل ہم سُن رہے ہیں کہ جن سیاست دانوں کو جیل میں مشکلات کا سامنا ہے ہم ان کو پیغام دینا چاہتے ہیں، حوصلہ دینا چاہتے ہیں کہ گھبرانا نہیں۔‘
والوں کو بھی پیغام ہے کہ ہم پر ایسے تجربات کرنا بند کریں۔ پاکستان کے عوام کو اپنے فیصلے کرنے دیں۔‘
’اگر پاکستان کے عوام شہباز شریف یا نواز شریف کو چُنتے ہیں تو ہمیں قبول کرنا چاہیے۔ اگر وہ پیپلز پارٹی کے حق میں فیصلہ دیتے ہیں تو سب کو قبول کرنا چاہیے۔ شاید یہ مجھے پسند نہ ہو لیکن اگر وہ تحریک انصاف کو بھی چُنیں تو ہمیں قبول کرنا پڑے گا۔‘
چیئرمین پیپلز پارٹی نے ایک سوال کے جواب میں کہا کہ ’اس وقت ملک کا سب سے بڑا مسئلہ مہنگائی، بیروزگاری اور غربت ہے۔ پیپلز پارٹی کا یہ موقف ہے کہ ہمارا کوئی سیاسی مخالف نہیں، ہمارا مقابلہ غربت، مہنگائی اور بیروزگاری ہے۔‘
