ایبٹ آباد (نمائندہ خصوصی)
پرائیویٹ ریگولیٹری اتھارٹی خیبر پختونخوا کے رکن کے لئے سالانہ انتخابات میں ہزارہ زون سے نجی تعلیمی اداروں کی چار بڑی تنظیمات نے متفقہ طور پر عاطف خان جدون کو نامزدکر دیا ہے۔اس سلسلہ میں پرائیویٹ سکولز ایسوسی ایشنز نے ہری پور کی جانب سے سابقہ معائدہ کی خلاف ورزی اور مرحلہ وار ممبر کے انتخاب میں روگردانی پر ایبٹ آباد ،حویلیاں ،مانسہرہ ،اوگی ،
بالاکوٹ کے نجی تعلیمی اداروں کے سربراہان نے متفقہ طور پر نامزد کرکے باقاعدہ کامیابی سے ہم کنار کرنے کا عزم کیا ۔
ایبٹ آباد پریس کلب میں پرائیویٹ سکولز ایسوسی ایشن ہزارہ کے صدر خالقداد خان جدون محمد سعید خان سواتی ،کرنل ر مشتاق خان ،حافظ خورشید ،شہریار میر سمیت دیگر نے دو سوسے زائد سکولز کے پرنسپلز کی موجودگی میں مشترکہ پریس کانفرنس میں مکمل حمایت کی ۔\
اس موقع پر پی ایس اے ہزارہ کے صدر خالقداد خان جدون کا کہنا تھا پرائیویٹ سکولز ریگولیٹری اتھارٹی خیبر پختونخوا میں صوبہ کو چار زون میں تقسیم کرکے چار نمائندوں کو نجی تعلیمی اداروں سے لیا جاتا ہے
جس کے باقاعدہ انتخابات ہوتے ہیں۔ گزشتہ الیکشن میں ہزارہ زون کے لئے ہری پور سے رکن نامزد کرکے کامیابی سے ہم کنار کروایا گیا جو اتھارٹی میں نمائندگی کا حق ادا کرنے میں ناکام ہوئے ہیں۔انہوں نے کہا کہ نجی تعلیمی ادارے پہلے ہی مختلف مسائل سے دوچار ہیں
ان پر طرح طرح کے معمولی نوعیت پر جرمانوں کی بھرمار کی گئی۔انہوں نے کہا کہ خامیوں کو دور کرنے کے حق میں ہیں ۔جن کو مل کر بہتر کیا جاسکتا ہے لیکن نااہل قیادت سے ایسا ممکن نہیں ہوا ۔انہوں نے کہا کہ ہری پور سے نمائندہ نامزد کرنے کے موقع پر یہ معائدہ ہوا تھا ایک سال ہری پور ،ایک سال ایبٹ آباد اور ایک سال مانسہرہ سے متفقہ امیدوار کی حمایت کی جائے گی ۔
جس کی ہری پور سے روگردانی کی گئی ہے جس کے نتیجہ میں ایبٹ آباد سے عاطف خان جدون کو تمام اداروں کے سربراہان نے متفقہ طور پر نامزد کر دیا ہے ۔انہوں نے کہا ہےکہ پرائیویٹ تعلیمی اداروں کو پرائیوٹ ریگولیٹری اتھارٹی کے علاوہ تعلیمی بورڈ،ایکسائز اینڈ ٹیکسیشن ،کینٹ بورڈ ،سوشل سیکورٹی والے بھی جرمانے کرتے ہیں ان مسائل کے حل کے لئے ہزارہ زون میں جرآت مند قیادت کا انتخاب ناگزیر ہے ۔
