دمام: التمیمی گروپ کے نئے آفس کی افتتاحی تقریب بڑی دھوم دھام سے منعقد ہوئی، جس میں اہم کاروباری شخصیات اور معزز مہمانوں نے شرکت کی۔ تقریب کی صدارت التمیمی گروپ کے چیئرمین طارق تیمیمی نے کی، جبکہ تافگا گروپ کے صدر سردار الیاس خان اور کے پرکومنٹ کے جنرل مینیجر رضوان شیرازی نے خصوصی طور پر شرکت کی۔
تقریب کا آغاز تلاوت قرآن پاک سے ہوا، جس کے بعد مہمانوں کا استقبال کیا گیا۔ طارق تیمیمی نے اپنے خطاب میں التمیمی گروپ کی کامیابیوں اور مستقبل کی حکمت عملیوں پر روشنی ڈالتے ہوئے کہا کہ یہ نیا دفتر گروپ کی ترقی کی ایک اہم کڑی ہے۔
سردار الیاس خان نے سعودی عرب میں بہتر ہوتے کاروباری ماحول کو سراہا اور التمیمی گروپ کی کامیابیوں کی تعریف کرتے ہوئے مستقبل میں تعاون کے عزم کا اظہار کیا۔
رضوان شیرازی نے جدید دفتر کے قیام کو کاروباری ترقی کی علامت قرار دیتے ہوئے کہا کہ اس سے نئی شراکت داریوں اور مواقع کو فروغ ملے گا۔ انہوں نے اپنے ادارے کی طرف سے مکمل تعاون کی یقین دہانی بھی کرائی۔
تقریب میں گروپ کے اعلیٰ افسران، ملازمین، اور دیگر کاروباری شخصیات نے شرکت کی۔ شرکاء نے گروپ کے مستقبل کے منصوبوں پر تبادلہ خیال کیا، اور تقریب کے اختتام پر کیک کٹنے کی شاندار تقریب بھی ہوئی
