ایک امریکی دفاعی عہدیدار کے مطابق ایک اسرائیلی ارب پتی کے مال بردار جہاز پر بحر ہند میں ایک مشتبہ ایرانی ڈرون نے حملہ کیا ہے۔
ایسوسی ایٹڈ پریس کے مطابق سی ایم اے سی جی ایم سیمی (مال بردار جہاز) پر حملہ ایک ایسے وقت میں ہوا ہے جب اسرائیل اور حماس کی کئی ہفتوں سے جاری جنگ میں عالمی شپنگ انڈسٹری بھی نشانہ بن رہی ہے۔
اس کے باوجود کہ عارضی جنگ بندی کی وجہ سے جنگ رکی ہوئی ہے اور حماس نے فلسطینی قیدیوں کے بدلے اسرائیلی یرغمالیوں کا تبادلہ کیا ہے، یہ جنگ پورے خطے کو اپنی لپیٹ میں لے سکتی ہے۔
