جدہ سے عاطف خان تنولی
یوم یکجہتی کشمیر کی تقریب میں صدر پاکستان، نگراں وزیراعظم اور نگراں وزیر خارجہ کے خصوصی پیغامات پڑھے گئے انڈیا کے غیر قانونی اور یکطرفہ اقدامات کو اجاگر کیا اور پیغامات میں کہا گیا کہ کشمیر کو ایک قلعہ بند جیل میں تبدیل کرنے کے باوجود انڈیا کشمیری عوام کے ناقابل تسخیر جذبے کو شکست نہیں دے سکتا ,,
قونصل جنرل خالد مجید نے سعودی قیادت کی جانب سے کشمیر کاز کے لیے مخلصانہ اورمسلسل حمایت کرنے پر ان کو سراہتے ہوۓ اس اہم مسئلے میں فعال طور پر آگاہی پیدا کرنے میں اسلامی تعاون تنظیم (او ائی سی) کے کردار کو بھی سراہا قونصل جنرل نے عالمی برادری اور اقوام متحدہ پر زور دیا کہ وہ اس امر کو یقینی بنانے میں اپنا بھرپور کردار ادا کریں تا کہ کشمیری عوام اپنے حق خود ارادیت کا استعمال کر سکیں۰
او آئی سی میں پاکستان کے مستقل نمائندے سفیر سید محمد فواد شیر نے اپنے خطاب میں انڈین فوج کے مبینہ مظالم اور زمینی حقائق کو تبدیل کرنے کے لیے کشمیر میں آبادیاتی تبدیلیاں مسلط کرنے کے انڈین منصوبوں کی نشاندہی کی شرکا اور مقررین نے عالمی برادری اور اقوام متحدہ پر زور دیا کہ وہ کشمیر کے دیرینہ مسئلے کو حل کیا جاۓ اور ساتھ ہی لازمی طور پر غزہ میں فلسطینیوں کی نسل کشی کو روکنے کے لیے بھی فوری اقدامات کئیے جائیں
تقریب میں کشمیریوں کی حالت زار اور انڈین فوج کی طرف سے انسانی حقوق کی سنگین خلاف ورزیوں کو اجاگر کرنے کے حوالے سے دستاویزی فلم دکھائی گئی اور شرکاء نے کشمیریوں کے حق خودارادیت کی حمایت جاری رکھنے کے عزم کا اعادہ کیا۔
